+28 °С
Салкым
Общество
21 февраль 2024, 04:40
«Кин «Ошмес» газетэз лыдӟе, со диктантсэ витьлы гожтэ»
Калтасы ёросысь Бадӟым Туганеево гуртысь Тамара Галяутдинова «Ошмес» газетэз потыны кутскемез дырысен ни басьтэ. «Удмурт кылын потӥсь «Ошмес» газетмылы огпол но гожтӥськытэк кылеме ӧвӧл», - шуэ со.
«Кин «Ошмес» газетэз лыдӟе, со диктантсэ витьлы гожтэ»
Кызьы гожъямы ни вал, Анай кыллэн нуналэзлы сӥзьыса, 19-тӥ феврале Бадӟым Туганеевоысь арлыдо нылкышноос удмурт кылын диктант гожтӥзы. Куинь адями соку «вить» басьтӥз. Тамара апай но соос пӧлын луиз. Вераны кулэ, Т. Галяутдинова школаын дышетскыкуз но удмурт кылъя урокъёсын диктантъёссэ котьку витьёслы гожъя вылэм. «Кин «Ошмес» газетэз лыдӟе, со диктантсэ витьлы гожтэ, - вера диктант гожтэмзы пумысен газетмылэн эшез. – «Ошмесэз» пыр-поч лыдӟисько. Соин кылъёслэн шонер гожтӥськемзы пумысен шуг-секытъёс уг кылдо».
Т. Галяутдинова нылпиосызлы, нунокъёсызлы но анай кылзэс, культуразэс гажан мылкыд пыӵатон сярысь сюлмаське.
Туспуктэм вылын: Т. Галяутдинова Милана внучкаеныз «Ошмесэз» лыдӟо.
