Анай кыллэн нуналэзлы сӥзьыса

Солы сӥзьыса, Калтасы ёросысь Бадӟым Туганеевоысь арлыдоос удмурт кылын диктант гожтыны кенешизы. Соос Мингареевъёс доры люкаськизы. Кема аръёс ӵоже школаын удмурт кылъя урокъёсты нуэм Фарида Гарифуловна  диктантлэсь текстсэ лыдӟиз. Бадӟым Туганеевоысь Ветеранъёслэн кенешенызы кивалтӥсь Зульфира Гареева ужрад пумысен вконтакте вотэс бамаз гожтэ: «Диктант гожтыны дӥсьтытэкгес пуксим, малы ке шуоно кемалась вал ини та ужен выреммы. Диктантэз умой гожтӥськеммы: куинь мурт «5» басьтӥз, мукетъёс – «4». Милемын ӵош диктант гожтыны мылкыд кариз пор кылэз дышетэм удмурт кышномурт но. Одӥгез нуналмы тунсыко но пайдаё ортчиз. Бадӟым тау Мингареевъёслы но диктант гожтыны лыктӥсьёслы».

Тодады вайытӥськом: Башкортостанлэн тӧроезлэн Грантэз улсын Калтасы ёросын "Организация активной жизненной позиции пенсионеров и ветеранов Калтасинского района" проект быдэстӥське.

Фото: Зульфира Гареева-Минляхметова