Валтӥсь зоотехникез Башкортостан Республикалэн Правительствоезлэн дипломеныз пусйизы

Башкортостанысь Гурт удысысь сӥё-дано ужасьлэн Тагир Михайловичлэн улон сюресэз быдэсак та хозяйствоен герӟаськемын. Со – Башкортостанысь Гурт удысысь сӥё-дано ужась. Т. Насибуллин  Вуж Варашын вордӥськем. Пичиысен валъёсты яратэм. Уж сюресэз сконикысен кутскем, собере ветфельдшерын тыршем, ыж фермаен кивалтэм, валтӥсь пудо эмъясьлэсь но ужзэ быдэсъям.

- Азьло гурт улонэз валтэк син азе пуктыны ик уг луы. Котькыӵе уж мед луоз, турын ваён-а, бакча гырон-а, пу дасян-а, валэн ужамы. Азьло колхозын конный двор вань вал. Отчы нуналлы быдэ ветлӥсько вал. Тужгес шаплы вал мед шедёз шуыса, ӵукна вить часын конной дворе ветлылӥ. Пичиысен пудо вордонэн герӟаськем ӧнерез быръён малпанэ луиз. Гуртлэсь палэнэ кошкон сярысь ноку ӧй малпаськы. Гуртын вордӥськи, гуртын улӥсько, - вера Т. М. Насибуллин. - Школаын дышетскыку каникулъёсты чидатэк витьылӥ. Пудо возьманы потто вал, скотникын но ужай.

Со сярысь пыр-почгес лыдӟе: «Мылкыд ке вань, уж пӧзе»