Ужедъя - данэд

Пермь шаерысь Куеда ёросысь Бадӟым Гондырысь физкультурая дышетӥсен Игорь Ахматуллинэн кивалтоно нылъёслэн но пиослэн волейболъя командаоссы ёросазы но Пермь шаерын радъяськись ӵошатсконъёсы ӵем вуыло. Бадӟым гондыръёс Башкортостанысь удмуртъёслэн НКЦ-зылэн, «Ошмес» газетлэн кубокъёссы понна волейболъя ӵошатсконъёсы но пырисько, призо интыосты ӵем басьто. Нылпиослэн вормонъёссы бордын дышетӥсьлэн но люкетэз бадӟым луэ.

Игорь Ахматуллинлэн но уж сюресэз 1986-тӥ арысен азинске. Со Пермьысь педучилищеез йылпумъяса, распределениен Русские Чикаши гуртысь школае вуэм. Собере егит ӧнерчиез уж сюресэз Бадӟым Гондыре вуттэм. Игорь Владимирович Бирскысь пединститутын вылӥ тодон–валан басьтэм.

Уж сюрессэ Игорь Владимирович воштыны дыртымтэ. Туннэ но нылпиосын ужа. Туэ солэсь ужзэ вылӥ дунъязы: дышетӥсьлы «Почётный работник сферы образования РФ» дано ним сётэмын.

Фото: архив "Ошмес".