Ермекей ёросын «Ученик года» конкурс ортчиз

Конкурс куинь бадӟым этаплэсь сылӥз:

- Школьной этап – тужгес мыло-кыдо но азинлыко дышетскисьёсты быръён;

- Быръён этап – конкурсантъёслэсь портфолиозэс дунъян, кытын возьматэмын соослэн вормонъёссы, олимпиадаосы пыриськемзы, волонтёрской уж нуэмзы, спортын но творчествоын вормонъёссы;

- Финальной этап – конкурслэн йылпумъян люкетэз, кытын пиналъёсты куинь эскерон витиз: «Визитная карточка», «Мои ценности», «Родное слово». Конкурсантъёс учкисьёслы но жюрилы кылбуръёс, кырӟанъёс но эктонъёс возьматӥзы, калык культуралэсь узырлыксэ но кунамы улӥсь калыкъёслэсь кылзэс гажамзэс пусйизы.

Суккулово школалэсь данзэ конкурсын 9-тӥ классын дышетскись Ангелина Мокеева утиз. Ангелина вань конкурсной эскеронъёсты быгатыса ортчиз, творческой номинациосын ассэ яркыт возьматӥз, мур тодон-валанзныз висъяськиз. Ангелина «Посол родной культуры» номинациын вормисе потӥз.

Таӵе конкурсъёс быгатӥсь егитъёсты шараянын но соослэсь творческой мылкыдэз азинтонын бадӟым инты басьто, шаерез гажан мылкыд пыӵато.

Фото: МОБУ СОШ с. Суккулово МР Ермекеевский район РБ