-20 °С
Салкым
Вань иворъёс
Дышетон
10 январь , 22:56
Удмурт ныл научно-практической конференциысь Гран-приен бертӥз
Укмысэтӥ толшоре Бирскысь сизьыметӥ номеро шор ёзо школаын «Совёнок-2026. Исследование как метод познания…» дышетскисьёслэн быдэсросси научно-практической конференцизы ортчиз.
Удмурт ныл научно-практической конференциысь Гран-приен бертӥз
Ужрадэ пыриськыны мылкыд карисьёслэн лыдзы 793 адямилы ӵошаз. 399 покчи классъёсын дышетскисьёс но 394 бадӟым классъёсын дышетскисьёс асьсэлэн исследовательской ужъёсынызы вуизы. Пичи тодосчиос 41 секциосын быгатонлыкъёссэс но пӧртэм ӧръёсын мур валанъёссэс возьматӥзы.
Научно-практической конференциын удмурт нылпиос но кужымзэс мертазы. Калтасы ёросысь Краснохолмскийысь кыкетӥ номеро школаысь Виктория Гафутдинова, Аиша Фаизова, Азалия Ганиева исследовательской ужъёссэс учкымон возьматыны быгатӥзы.
Виктория Гафутдиновалэн (дышетӥсез Р.Ф. Камидуллина) «Живи, родной язык» исследовательной ужез умурт кыллы сӥземын вал. Куинетӥ классын дышетскись ныл аслаз ужаз вордскем кылзэ гажамез, сое утемез, удмурт калыклэн сям-йылолъёсыз но лулчеберетэз сярысь вераз.
Нылашлэн тыршемез огшоры ӧз луы: солэн исследовательской ужез конференциын Гран-при басьтӥз.
Новости партнеров