«Зангари» нылпи садын аспӧртэм проект азьланьтӥське

Таӵе ужан амал пӧртэм аресъем нылпиосты огазеянын валтӥсь инты басьтэ. Кылсярысь, одӥгзэ удмуртарняез вож туслы сӥзизы. Со нуналэ пичиос но, ужасьёс но нылпи садэ вож  дӥськутэн, вож  тусо аксессуаръёсын лыктӥзы. Кин ке вож тусо книга, ручка, карандаш ваиз.

«Горд», «ӵуж», «вож», «чагыр» удмуртарняос ортчытӥмы ни. Таӵе ужрад нылпиосты малпаськыны, сак луыны дышетэ. Та нуналэ нылпиос празднике выллем дасяськыса лыкто, соослэн нуналзы задор мылкыдэн ортче – соосты одӥг ужрад огазея», - гожтэмын нылпи садлэн ВК вотэс бамысь группаяз.  

Фото: ДОШКОЛЬНАЯ ГРУППА при МБОУ ООШ с.Каймашабаш