Нылпиос ужез гажаны дышетско

Калтасы ёросысь Бадӟым Качак гуртысь нылпи садэ ветлӥсьёс арлы быдэ винегрет пӧрало. Сям-йылоллы пӧрмем ужрадэз пичильтокъёс котькуд сӥзьыл шумпотыса возьмало. Татысь визьнадасьлэн О.И. Камалитдиновалэн кылъёсызъя, нылпиос мылысь-кыдысь басьтӥсько сиён пӧран уж борды. Соослэн асьсэлэн пичи айшетъёссы но вань ини.

Пичи пӧрасьёс зэмос поваръёс выллем ужало. Нош берло ческыт винегретсэс ӵошен веръяло. Соку пичильтокъёслэн шумпотонзы номырин ӵошатонтэм луэ. Нылпиос, асьсэды бадӟымен кожаса, быдэс нунала шунды выллем пальпотыса ветло.