Школа дуннее вамыштӥсьёслы – ӟеч сӥзёнъёс

Акция нырысьсэ 2022-тӥ арын ортчиз. Соку шаерысьтымы 45 регионъёсысь школаосын директоръёслэн советникъёссы но бадӟым классъёсын дышетскисьёс нырысетӥ классэ лыктӥсьёслы аспӧртэм кузьым дасязы – кагазлэсь лэсьтэм самолётъёс сётӥзы. Отчы соос ӟеч сӥзёнъёссэс гожтӥзы.

Туэ но школаос йылоллы пӧрмем акцие пыриськизы. Янаул ёросысь Шудек школа но палэнэ ӧз кыльы. Укмысэтӥ классысь нылъёс но пиос директорлэн советникеныз Елена Шайдуллинаен ӵош пичиослы самолётъёс лэсьтӥзы, кагаз вылэ гожтыса, вань умой малпанъёссэс дышетон дуннее вамыштӥсьёслы ыстӥзы.

Фото: МБОУ ООШ с.Шудек