Егитъёслы паськытэсь сюресъёс усьтэмын

Янаулын ортчем ужрадын конкурсъёсы, ёрослэн улоназ мыло-кыдо пыриськисьёсты, проектъёсъя конкурсъёсын кужымзэс эскеремъёсты пусйизы.

Каймашабаш школаын 8-тӥ классын дышетскись Дарина Петровалы Янаулысь Егитъёслэн юртсылэсь тау карон гожтэтсэ сётӥзы. Таӵе ик данъетлы кузё луиз Дариналэн дышетӥсез, Каймашабаш школаысь директорлэн советникез Ольга Давлетова.

Тодады вайытӥськом: куартолэзе «Росмолодёжь. Гранты» конкурслэн йылпумъянъёсыз тодмо луизы. Отын Россилэн 81 регионысьтыз 1401 проект вормисе потӥз. Соос пӧлын - Дарина Петровалэн «Перемена перемен» проектэз.

Фото: МБОУ ООШ с. Каймашабаш