Спортын кужмо луэменыз висъяське

Отчы пыриськисьёслэн лыдзы арысь аре йылэ. Дышетскисьёс пӧртэм предметъёсъя но полиолимпиадая тодон-валанзэс эскеро-возьмато. Янаул ёросысь Вуж Вараш школаын дышетскись Ярослав Асатов но олимпиадае арлы быдэ пыриське, математикая, физкультурая ӟеч тодон-валанзэ, усто быгатонлыкъёссэ возьматэ. Алигес олимпиадалэн республика этапезлы йылпумъянъёс лэсьтӥзы. Ярослав физкультура ӧрын призёр луиз. Я. Асатовез дипломен но памятной медален пусйизы. Вераны кулэ, олимпиадалэн республика этапаз Ярослав куинетӥ ползэ ни призёр луиз.