Форуме пыриськисьёс гуртысь школае вуылӥзы

Кылем арняын Ахметовоысь школа А. Макаренколы сӥзем форум улсын трос куноосты пумитаз. Форум вить нунал кыстӥськиз. Отчы Россилэн 71 регионъёсысьтыз, Белоруссиысь, Казахстанысь, Узбекистанысь вуэмъёс пыриськизы. Ахметово школаын соосты «Агрокласс – путь к профессиям будущего!» презентация витиз. Собере куноос школаен, дышетскисьёслэн вормонъёсынызы тодматскизы, музее, шахмат клубе пыразы.  

Дышетскисьёс дышетӥсьёсынызы ӵош мастер-классъёс радъязы. Кылсярысь, кыкетӥ классын дышетскисьёс «наш живой уголок» мастер-класс возьматӥзы. Соослы дышетӥсьсы Эльза Валихановна Сайфутдинова юрттӥз.

Фото: МБОУ СОШ с.Ахметово МР Кушнаренковский район