Каймашабашысь школаын «Путешествие в Крым» ужрад ортчиз

Та лыдпуслы сӥзьыса, школаос «#КраскиКрыма» акцие пыриськизы. Янаул ёросысь Каймашабашысь школаын, кылсярысь, «Путешествие в Крым» ужрад ортчиз. Сое 5-7-тӥ классъёс понна «Движение Первых» огазеяськонлэн ёзчиосыз дасязы но радъязы.

Ужрадэ пыриськисьёс командаослы люкиськыса шудӥзы. Крыме путешествие «мынон» соослы кельшиз. Пиналъёс полуостров сярысь тодон-валанзэс муромытӥзы, асьсэлэсь быгатонлыкъёссэс но ӟеч возьматӥзы. Уго командаослы пӧртэм заданиосты быдэсъяно луиз. Соос истрической лыдпусъёсын, памятной интыосын герӟаськемын вал. Квестэ пыриськисьёс малпанзэс но веразы, азьланяз Крымез асьсэ синмынызы адӟыны мед быгатозы шуыса.

Фото: МБОУ ООШ с. Каймашабаш