Дышетӥсьёс тодон-валанзэс яркыт возьматӥзы

Быдэсросси конкурсын трос дышетӥсьёс кужымзэс эскеро. 2024-тӥ арын, кылсярысь, конкурслэн финалаз 90 дышетӥсь потӥз.
Та нуналъёсы конкурслэн муниципал этапез йылпумъяськиз Пермь шаерысь Куеда ёросын. Отын вормисьёсты пӧртэм номинациосъя бырйизы.
"Учитель" номинациын 1-тӥ интыын луиз Куедаысь кыкетӥ номеро школаысь дышетӥсь Ольга Владимировна Зиянтинова, "Специалист в области воспитания" номинациын - та школаысь ик Снежанна Раисовна Зедымышева, "Педагог дошкольного образования" номинациын - Куеда ёросысь 5-тӥ номеро нылпи садысь визьнодась Ильмира Фатиховна Хасбатова. Со ик ёроссэ шаер этапын возьматоз. Ильмира Фатиховна Куеда муниципал округен кивалтӥсьлэн кузьыменыз но пусъемын.

Фото: Куединский районный методический центр