+7 °С
Салкым
Вормонлы - 80 ар
Вань иворъёс
Дышетон
17 февраль , 19:50

Шаермес утисьлэсь арзэ усьтыса

Тулыспал толэзьлэн одӥг нуналаз Янаул ёросысь Шудек школаын ӵаш! вазиз.

Шаермес утисьлэсь арзэ усьтыса
Шаермес утисьлэсь арзэ усьтыса

Дышетскисьёс понна строевой дасьлыкъя но шаер сярысь кырӟанъёсты быдэстонъя смотр-конкурс ортчиз.Отчы 1-9-тӥ классъёс пыриськизы.Смотр Россиын Шаермес утисьлэсь арзэ усьтонлы сӥземын вал. 
Котькуд класслэн отрядэз усто дасьлыксэ возьматӥз. Дӥськут, патриотической кырӟан быръён борды соос мур малпаськыса басьтӥськиллям. Соослэн командаен ужаны быгатэмзы зол шӧдиськиз.
Вормисьёсты куинь категориосъя бырйизы. 1-4-тӥ классъёс пӧлын 1-тӥ интыын луизы 4-тӥ классысь пиналъёс. Соослэсь ӧжытлы бере кылизы нырысетӥ классын дышетскисьёс. куинетӥ интые потӥз 2-тӥ класс.
5-9-тӥ классъёс пӧлын кужмо луизы 6-тӥ классысь пиналъёс. Кыкетӥ инты сётэмын 9-тӥ класслы, нош куинетӥ интыез люкизы 7-тӥ но 8-тӥ классын дышетскисьёс. Командазэ тужгес усто дасямез понна нимысьтыз кузьымен пусъемын Дарья Волкова.

Фото: МБОУ ООШ с.Шудек

 
 
Автор:Миляуша Булатова
Читайте нас: