Сюрес вылын сак луоно

Сюрес вылын ветлон куронъёсты тодытэк, нылпиос гинэ ӧвӧл, бадӟымъёс но кышкыт югдуре шедьыны быгатозы. Соин школаын ПДД-лэсь кулэлыксы валэктонлы бадӟым саклык висъяське. Кылсярысь, та нуналъёсы покчи классъёсын дышетскисьёсын вераськонъёс, конкурсъёс но викторинаос радъяськизы, инструктажъёс ортчизы. Шудон пыр пиналъёс ПДД-лэсь адямилэн улоназ бадӟым инты басьтэмзэ валазы. Азьпалан соос сюрес вылын ветлон куронъёсты одно ик чакланы кыл сётӥзы.

Фото: Большекачаковская школа Калтасинского района