Нылпи инкуазен мед эшъяськоз

Калтасы ёросысь Бадӟым Качак гуртысь нылпи садэ ветлӥсь пиналъёс ӵем гинэ кыре потало. Пичильтокъёс котькуд усем куарез, нымы-кибыез, писпуэз, тылобурдоосты шумпотыса эскеро, визьнодасьсэс юанъёсынызы паймыто. Нылпиос мылысь-кыдысь тодматско котыр инкуазен, йырвизьзэс выль тодон-валанъёсын тырмыто. Та выллем эксурсияос бере пичильтокъёс дуннеез умойгес валаны но шӧдыны кутско.