Вормисе потэм школаосты ӟечкылазы

Бадӟым ужрадлэн кыкетӥ люкетаз ӟечкылан кылъёс трос чузъяськизы. школаослэн учебно-опытной участокъёссылы сӥзем смотр-конкурслы, дышетон юртъёсты, нылпи садъёсты выль дышетскон арлы дасянлы, школаосысь спорт клубъёслэн спартакиадазылы, дышетон удысын ужасьёслэн «Здоровье» спартакиадазылы йылпумъянъёс лэсьтӥзы.

Учебно-опытной участокъёслы сӥзем смотр-конкурсын шор ёзо школаос пӧлын Выль Татышлыысь школалы вуисьёс ӧз луэ, нош основной школаос пӧлын нырысетӥ интыын луиз Кызыл-Яр гуртысь школа, нылпи садъёс пӧлын – Бальзюгаысь нылпи сад.

«Здоровье» спартакиадаын но выль татышлыос висъяськизы: соос нырысетӥ интыын луизы. Кыкетӥ интыын луиз Вылысь Татышлыысь Г. Сокорой нимо гимназия, куинетӥ интыын – Улысь Балтачысь школа. Школаосысь спорт клубъёслэн спартакиадазылы йылпумъян лэсьтыса, тодмо луиз: татын вормисе потӥз Вылысь Татышлыысь Г. Сокорой нимо гимназиысь «Юниор» клуб, кыкетӥ но куинетӥ интыосын - Вылысь Татышлыысь 2-тӥ номеро школаысь «Спутник» но Выль Татышлы школаысь «Патриот» клубъёс.