Башкириын нылпиосты беспилотникъёсын ужаны дышетозы

«Башинформ» агенстволэн ивортэмезъя, та выллем дышетон уже 525 пиналъёс кыскемын луозы. Со сяна, дышетӥсьёсты но та ӧрен пыр-поч тодматозы.  Озьы ик кылдозы нимысьтыз дышетон программаос, кудъёсызъя тодон-валан сётӥсьёсты, беспилотной авиационной системаослы проект лэсьтыса,  соосты малпаны, лэсьтыны но уже кутыны дышетозы.

Вераны кулэ, туннэ нуналэ Башкортостан Республикаын 3,5 сюрс дышетон юртъёс ын 854,1 сюрс нылпиосын 119,9 сюрс дышетӥсьёс но мукет тодон-валан сётон удысын тыршисьёс  ужало.

Фото: ИА «Башинформ»