Дышетскон арлы йылпумъян лэсьтӥзы

Со дышетскон арлы йылпумъян лэсьтонлы сӥзьыса радъяське. Туэ но ужрад трос пиналъёсты, дышетӥсьёсты огазеяз. Туэ грантлы кузё луизы «Интеллект», «Спорт», «Творчество», «Патриотическая», «Отряд, команда, коллектив» номинациосын вормисьёс. Шумпотымон, грант басьтӥсьёс пӧлын удмурт гуртъёсысь школаосын дышетскисьёс но вань.

«Интеллект» номинациын вормисьёс пӧлы шедиз Бадӟым Гондырысь школаын 8-тӥ классын дышетскись Арина Вахитова. Та школаысь ик Артём Гафетдинов, Дарья Шарапова, Равиль Габдулин, Ролан Галинуров но Даниил Менгаязов «Спорт» номинациын вормисьёс радын луизы, нош Снежана Садиокова – «Творчество» номинациын. Вуж Шагирт школаысь Арина Маликова «Патриотическая» номинациын вормиз, нош школаысь юнармеецъёслэн «Торнадо» отрядзы - «Отряд, команда, коллектив» номинациын.

Фото: Управление образования Куединского МО