Физкультураын кужмо луэмзэ возьматӥз

Отчы пыриськисьёслэн лыдзы арысь аре йылэ. Дышетскисьёс математика, физика, информатика, ӟуч кыл но литература, окружающей мир, биология, история, обществознание, география, англи кыл, физкультура, музыка, башкир кыл предметъёсъя но полиолимпиадая тодон-валанзэс эскеро-возьмато.

Янаул ёросысь Вуж Вараш школаын дышетскись Ярослав Асатов но олимпиадае арлы быдэ пыриське, математикая, физкультурая ӟеч тодон-валанзэ, усто быгатонлыкъёссэ возьматэ.

Алигес олимпиадалэн республика этапезлы йылпумъянъёс лэсьтӥзы. Ярослав физкультура ӧрын призёр луиз (дышетӥсез Леонид Багаутдинов). Я. Асатовез дипломен но памятной медален пусйизы. Вераны кулэ, Ярославлэн та нырысетӥ вормонэз ӧвӧл. Со кылем арын но физкультура ӧрын вормисьёс пӧлын луиз.  

Фото: Лия Асатова