Олимпиадаын ӟеч тодон-валанзэс возьматӥзы

Отын ОГЭ, ЕГЭ пумысен ужпумъёс эскериськизы. Со сяна, ужрадлэн ӟечкылан люкетэз но луиз: кенешонэ ӧтемын вал школаын дышетскисьёслэн быдэсросси олимпиадаязы ӟеч тодон-валанзэс возьматэм пиналъёс но соослэн дышетӥсьёссы. Соосты Татышлы ёрос администрациен кивалтӥсь Фанур Шайхисламов ёрос администрацилэн Тау карон гожтэтъёсыныз но Данъян грамотаосыныз пусйиз. Шумпотымон, олимпиадаын вормисьёс пӧлын удмурт пиналъёс но вань шуыса.

Уразгильдыысь Екатерина Хатипова (Вылысь Татышлыысь 2-тӥ номеро школаын дышетске) ӟуч литературая региональной этапын призёр луиз (дышетӥсез С. В. Минигараева), Альгаысь Диана Габокова (Улысь Балтач школаын дышетске) – правоя олимпиадаын (дышетӥсез Е. З. Манапова), Вылысь Татышлыысь Алсу Харисова (Г. Сокорой нимо гимназиын дышетске) – технологияя олимпиадаын (дышетӥсез Л. А. Ханова).  

Фото: Администрация Татышлинского района