Школа борды выль корпус ӝутӥське

Татын 200-лэсь трос пиналъёс дышетско. Солэн Кипчакысь, Киргаысь структурной подразделениосыз ужало: соос основноен лыдъясько.

Та дыре Бадӟым Гондырысь школа борды выль корпус ӝуто. Та нуналъёсы Бадӟым Гондыре Куеда округысь администрациен кивалтӥсь Флорид Бадртдинов вуылӥз. Со школа ӝутон ужлэн радлыкеныз тодматскиз, «Главспецстрой» ООО подрядчиклэн представителеныз пумиськылӥз. Ф. Бадртдинов ВК вотэс бамаз гожтэ: «Корпус ӝутон ужъёс азинско. Та дыре кык этажын но борддоръёс ӝутэмын, выжъёс, вӧлдэт тупатэмын, укноос пуктэмын, перегородкаос лэсьтэмын. Матысь дыре канализация, вентиляция но отопление лэсьтон борды пыр-поч басьтӥськозы».

Фото: Администрация Куединского муниципального округа