ИКЦ-ын ужасьёс пичильтыкъёс доры вуылозы

Со регионысь кивалтэтэн анай кылъёсты утён но дышетон вылысь юнматэмын. Та нунал башкир калык поэтлэн, югдытӥсьлэн Мифтахетдин Акмуллалэн вордскем нуналэныз тупа. Та нуналэ республикаын трос ужрадъёс ортчытыны чакламын. Отчы бадӟымъёс сяна, пичиос но мыло-кыдо пыриськозы.

Регионысь Калыкъёслэн эшъяськон юртсылэн филиалъёсаз но Башкир кыллэн нуналэзлы сӥзем ужрадъёс ортчытыны чакламын. Удмуртъёслэн историяя но культурая центрысьтызы ужасьёс Татышлы ёросысь Выль Татышлыысь нылпи садэ вуылозы. Соос пичильтыкъёсты башкир калык выжыкылъёсын тодматозы. Со сярысь ивортэ БР-ысь Калыкъёслэн эшъяськон юртсы.

Фото:Удмуртский историко-культурный центр