Нылпиос гурезь лэсьтон уже пыриськизы

Та нуналъёсы быдэс странаямы Выль арлы дасяськон ужъёс кутскемын ини. Интыысь аскивалтэтлы гуртъёсы чебермам кызъёс, лымылэсь фигураос тупатыны ӵектэмын. Школаосын дышетскисьёс классъёссэс арлэн тужгес но бадӟым праздникезлы дасяло, Тол Бабайлы  кырӟан-эктонъёс, кылбуръёс но постановкаос дышето.

Нылпи садысь пичильтокъёс но та ужын бере уг кылё.  Кылсярысь, Калтасы ёросысь Бадӟым Качак гуртысь «Звёздочка» нылпи садэ ветлӥсьёс та нуналъёсы  гурезь лэсьтыны потӥзы. Лымы угось ӧжыт ӧвӧл ни, соин ик нылпиос нискыланы курисько. Кырын шудон вакытсэс пайдаен ортчытон вылысь, воспитательзы О.И. Камалитдинова пиналъёсты гурезь лэсьтон уже кутӥз.

Нош малпам ужзы быдэсмиз ке, соос гурезетӥ шумпотыса нискылалозы.