+10 °С
Салкым
Пиналъёс, гурт удысысь ӧнеръёсын тодматскон вылысь, «Итс-Агро» ООО-е вуылӥзы. Хозяйстволэн исполнительной директорез И. Н. Калимуллина нылпиослы гурт удысысь ужъёс, продукция поттон сярысь вераз. Собере нылпиослэн экскурсизы «Янаульский» тепличной комбинатын азьланьтӥськиз. Бӧрысь школаын дышетскисьёс Нефтекамскысь трос профильем колледжлэн Прогресс гуртысь филиалаз мынӥзы. Тодӥзы, отын кыӵе ӧнеръёслы дышетскыны луэ шуыса.
Нылпиослэн нуналзы пайдаё ортчиз. Табере соос тодо, гурт удысын ужасьёс кулэ шуыса.