Асавкаысь школа «Парта героя» акцие пыриськиз

Школае Балтач ёросысь дышетонъя ёзэтэн кивалтӥсь Гульнара Шаймухаметова, Тошкур гурт поселенилэн администрациеныз кивалтӥсь Булат Аглямов вуизы. Соос бадӟым классъёсын дышетскисьёслэн урокъёсазы пукизы, геройлэн партаеныз тодматскизы.

Тодады вайытӥськом:  Россиысь школаосын «Единая Россия» партилэн «Парта героя» акциез радъяське. Со улсын дышетон юртъёсын шаермы понна дано ужъёс, подвигъёс лэсьтэм адямиослы сӥзем партаос кылдо. Асавкаос но та акцие пыриськизы. Соослэн партазы гажано гуртозылы, дано улосчимылы, Совето Союзысь Геройлы Ульмас Шакировлы сӥземын.

Фото: МКУ "Отдел образования" Балтачевского района