Кӧня студентъёс дышетско Башкортостанын?

Туннэ нуналэ республикаын 10 вылӥ дышетскон юртъёс лыдъясько.Соос пӧлын тямысэз кун чотын ужало, кыкез - коммерческой, со сяна усьтэмын та вузъёслэн 17 филиалзы.

«2021/2022 дышетскон арын республикаысь вузъёсын 95,7 сюрс студентъёс дышетско. Соос пӧлысь 91,8 сюрсэз госудраственной вузъёсын дышетско, 3,9 сюрсэз — коммерческойёсын», — верало Башстатын ужасьёс. Кылем арен ӵошатыса,  студентъёслэн лыдзы 1,6%лы кемем.

2021/2022 дышетскон арын государственной вузъёсы 24,1 сюрс студент кутэмын. Соос пӧлын коньдон тырон сярысь договоръёс лэсьтэмын 10,9 сюрс адямиен, яке дышетскыны пыремъёслэн 45%-сы.

Кылем арын вузъёсы пырон конкурс таӵе вылэм: шорлыдын одӥг интые 6,7 заявление на одно место, бюджет интыосы — 8,6.

«Тужгес популярной специальностьёс пӧлы пыро экономической, юридической профилен, информационной технологиос, энергетика», — шуо статистикъёс. — Студентъёс пӧлын 51% нылъёс, 49%-эз пиос. Тросгес нылъёс гуманитарной напревлениосын дышетско».

Республикаысь государственной вузъёсын дышетскисьёс пӧлын 94,2%!эз россиянъёс луо.

Ближнее зарубежье странаосысь туэ 3187 студентъёс дышетско. Соос пӧлысь 1064 студент — Таджикистанысь, 902 — Казахстанысь, 624 — Узбекистанысь, 272 — Туркменистанысь, 82 — Киргизиысь.

Со сяна, али республикаын дышетско 2150 адями мукет странаосысь но: 613 студент - Индиысь, 97 — Иракысь, 62 — Йеменысь, 51 — Иранысь, 44 — Анголаысь, 36 — Вьетнамысь, 34 — Китайысь, 23 — Нигериысь.

Средней профессиональной образование сёто республикаысь 89 государственной организациос. Отын дышетско 103,5 сюрс студентъёс.

Куать коммерческой образовательной организациосын ужа средней звеноысь специалистъёсты дасян программа, отын дышетско 5,2 сюрс студентъёс.

Фото интернетысь басьтэмын.