Выль дышетскон арен!

Выль сӥзьыл сяськаосын

Чеберъям классын

Сайкытэсь учебникъёс,

Тетрадьёс вадьсын

Малпасько пиос,

Малпасько нылъёс –

Тодонлык нунал вуиз.

Вань шаерамы соос –

Самой бадӟымъёс.

Эшъёсынызы сямен

Кенешо соос

Ломоносовен,

Менделеевен –

Тодонлык нунал вуиз.

Вамышто соос люкыт

Атом шар пушкы,

Соос ӵыж-выль юг сиос

Утчало пезьгыт.

Сюлмасько пиос,

Сюлмасько нылъёс –

Тодонлык нунал вуиз.

Бен, пичи ке но классы,

Пумтэм инвиссы.

Уж, Улон, Вордскем инты,

Нянь ужпумъёсыз

Малпало татын,

Дунъяло татын –

Тодонлык нунал вуиз.

Вениамин ИВШИН.

Фото: открытый источник.