Дышетӥсь – улонэ сюресэз югдытӥсь

Россиын 1992-тӥ арысен «Учитель года» быдэсросси конкурс радъяське. Со улсын дышетӥсьёслэн тодон-валанзылы дунъет сёто, отын соослэн быгатонлыкъёссы шараясько.

Татышлы ёросын «Учитель года-2023» ёрос конкурсэ 18 дышетӥсьёс пыриськизы. 14-тӥ феврале Вылысь Татышлыысь культура юртын конкурсэ пыриськисьёсты данъян ужрад ортчиз. Вормисьёсты ӟечкылаз Татышлы ёрос администрациен кивалтӥсь Фанур Шайхисламов.

Конкурсын вормисьёсты "Молодой учитель года", "Педагог года ДОО", "Учитель года русского языка и литературы - 2023", "Учитель года Татышлинского района - 2023" номинациосъя бырйизы.

"Молодой учитель года-2023" номинациын вормисе потӥз Вылысь Татышлыысь кыкетӥ номеро школаысь ӟуч кылъя но литературая дышетӥсь Юлиана Шакирова. Кызыл-Яр школаысь ӟуч кылъя но литературая дышетӥсь Эльвира Гильманшина «Сердце отдаю детям» номинацилы кузё луиз, "За верность профессии" номинацилы - Кызыл-Яр школаысь иностранной кылъёсъя дышетӥсь Марина Шаймарданова, «За педагогическое мастерство» номинацилы – Кальтяево школаысь покчи классъёсты дышетӥсь Лада Садртдинова, «За сохранение народных традиций» номинацилы – Выль Татышлы школаысь физкультурая дышетӥсь Марс Шаритдинов.

«Активная жизненная позиция» номинацилы – Вылысь Татышлыысь «Ромашка» нылпи садысь воспитатель Алёна Нуриева.

Фото: МБУК МКДЦ Татышлинский район РБ