"Удмурт кылмес тодоме, дышетоме но гажаломе"

Таӵе гожтэт вуиз Ермекей ёросысь Купченей гуртысь библиотекаын ужасьлэсь Нина Пургиналэсь:"Анай кыллэн нуналэзлы сӥзьыса, Купченей гуртысь библиотекаын «Дуно но мусо анай кыл» ужрад ортчиз. Отчы покчи классъёсын дышетскисьёс но гуртысь песяйёс пыриськизы. Ужрадэз удмурт но ӟуч кылъёсын нуизы удмурт кылъя дышетӥсь Гуля Антонова но 8-тӥ классын дышетскись Константин Антонов. Удмурт дӥськутэн дышетӥсь праздниклэн историеныз но кылъёслэн пӧртэмлыкенызы тодматӥз, вордскем удмурт кылмес тодыны но утьыны кулэ шуыса пусйиз.

Нылпиос удмурт кылын кылбуръёс лыдӟизы, кырӟазы, визькылъёсты тодазы ваизы, удмурт визькылъёслы тупасьёссэ ӟуч кылын веразы, мадиськонъёсты тодӥзы. Удмурт выжыкылъёсъя инсценировкаос тунсыко пӧрмизы. Песянайёслы но ужрадын малпаськоно луиз. Соослы, кылсярысь, туала техникаосты тодоно вал. Нош нунокъёссы суредъёсъя вуж арбериосты тодылӥзы. Ужрадэз песяйёсын быдэстэм удмурт кырӟан шулдыртӥз. Библиотекаын иллюстративной но книгаосын «21 февраля –Международный день родного языка», «Удмуртские писатели –детям» адӟытонъёс дасямын вал. Ужрадэз нуисьёс Флор Васильевлэсь «Родной язык» кылбурзэ кык кылын лыдӟизы но нылпиослы вазиськизы: «Удмурт кылмес тодоме, дышетоме но гажаломе!»
Нина ПУРГИНА, Купченей библиотекаын ужась. Ермекей ёрос.

Читайте нас:

Учредитель: Агентство по печати и средствам массовой информации Республики Башкортостан

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

[email protected]

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91