+20 °С
Салкым
Антитеррор
Вань иворъёс
Конкурсъёс
16 ноябрь 2019, 13:40

"Поле чудес". Телевизорын ӧвӧл, библиотекаын!

"Поле чудес. Озьы ик пятницае, телевизор пыр учконо передачаын кадь ик, кык шкатулкаен, барабан бергатонэн: банкрот, шудон мукет муртлы выжон, приз, эшлы жингыртон, плюс секторъёсын, "чёрный ящикен". 15-тӥ шуркынмонэ Янаул ёросысь Вуж Вараш гуртын улӥсьёслы гуртысь библиотекаын ужась Марина Хисамутдинова "Поле чудес" шудон радъяз. Сӥземын вал со Театрлэн арезлы.

Театрен герӟаськем юанъёслы валэктон сётон секытгес ик сётскиз варашъёслы. Соин букваос тросгес веразы. Финалын куспазы ӵошатскизы Р. Камиуллина, С. Назьмиев, Ф. Тимирзянов. Нош вормисе потӥз Ф. Тимирзянов. Со Вуж Варашысь ӧвӧл, бускель Наняды гуртысь. Тунсыкъяськыса лыктэмез юнме луымтэ. Шудонын вис луыку, учкисьёс викторинаен шудӥзы. Ужрадэ пыриськемъёс театр сярысь трос выльзэ тодӥзы, шулдыр мылкыд басьтӥзы. Вормисьлы кузьым - борддоре ошон час - висъяз Вуж Вараш гурт поселенилэн администрациез.
Читайте нас: