-2 °С
Салкым
Антитеррор
Вань иворъёс
Дышетон
21 Июля 2022, 12:25

Школаез йылпумъямъёсты паськыт сюресъёс витё

Шаерамы дышетскыны пырон кампания азинтӥське. Вылӥ тодон-валан сётон юртъёс школаез йылпумъямъёслэсь документъёссэс туэ 27-тӥ пӧсьтолэзёзь куто.

Школаез йылпумъямъёсты паськыт сюресъёс витё
Школаез йылпумъямъёсты паськыт сюресъёс витё

Бюджет интыос тросгес

Башкортостанлэн Тӧроезлэн Радий Хабировлэн кылъёсызъя, туэ республикаысь вылӥ дышетскон юртъёсын 14374 бюджет интыос лыдъясько: азьвыл аръёсын ӵошатыса, 909-лы тросгес. Республикаысь вузъёсын туала улонлэн куронъёсызлы тупась, выль профессиос но кылдытэмын. Кылсярысь, «инженер компьютерных игр и виртуальных симуляторов, ментор стартапов, проектировщик беспилотной техники» ӧнер. Аспӧртэм ӧнеръёс ӵекто УГНТУ, УГАТУ, БашГУ но БГПУ.

Документъёсты онлайн амалэн но куто

Абитуриент документъёссэ вить вузъёсы сётыны быгатэ: огдыре 2-5 пӧртэм ӧнеръёсты бырйыса. Котькуд дышетскон юрт аслэсьтыз куронъёссэ ӵектыны быгатэ.

Дышетскыны пырон понна кулэ луо: школаез йылпумъям сярысь аттестат (выпискаен но приложениен), паспортлэн копиез, заявление, кык туспуктэм (3х4 см).

Документъёсты дышетскон юртэ мыныса сётыны луэ. Со сяна, онлайн амалэн но куто: вузлэн сайтэз пыр, Госуслуги пыр но почта пыр, конвертэн гожтэт ыстыса.

Республикаысь вузъёс ӟеч тодон-валан сёто

Берло аръёсы мукет регионъёсын, кунгож сьӧрын улӥсьёс но Башкортостанысь вузъёсты быръё. Дышетон удысысь экспертъёслэн эскеронъёссыя, республикаысь вузъёс ӟеч тодон-валан сётӥсьёс пӧлын лыдъясько. Кылсярысь, алигес «Интерфакс» университетъёслэсь национальной рейтингзэс возьматӥз. Отчы Россиысь 385 вылӥ тодон-валан сётон юртъёс пыремын. Башкортостанысь дышетскон юртъёс100 устоосыз пӧлы шедизы: УГНТУ (41-тӥ интыын), БашГУ (71-тӥ интыын), УГАТУ (78-тӥ интыын), БГМУ (97-тӥ интыын).

Умой дышетскисьёслы – коньдон юрттэт

Умой дышетскись студентъёс лы Башкортостанысь вузъёс коньдон юрттэт но возьмато. Кылсярысь, ЕГЭ-зэс 100 баллы сётэм студентъёс, БашГУ-э яке УГАТУ-э дышетскыны ке пыриллям, 150 сюрс манет единовременной пособие басьто. Со сярысь указ улэ гожтӥськиз Башкортостанлэн Тӧроез Радий Хабиров. Со сяна, ЕГЭ-ын трос балл люкамъёс ар ӵоже стипендия тросгес басьто. Солэн быдӟалаез пӧртэм вузъёсын 10-25 сюрс манетлы ӵоша.

 

Туспуктэм вылын: Татышлы ёросысь Выль Татышлы школаысь 11-тӥ классэз туэ йылпумъям пиналъёс дышетӥсенызы Н. Латиповаен. 

Автор:Миляуша Булатова
Читайте нас: