Нылкышноослэсь нуналзэс вормонъёсын пумитаз

З. Т. Шарафутдинова кема аръёс ӵоже ни Улысь Балтач школаын дышетскисьёслы анай кылзыя тодон-валан сётэ. Солэн дышетэм пиналъёсыз удмурт кылъя но литературая республика олимпиадаосы пырисько, вормисьёс пӧлын луо. Бӧрысь соос республикамылэсь данзэ межрегиональной олимпиадаосын но быгатыса утё.

Туэ южтолэзьлэн нырысетӥ нуналъёсыз Зинаида Тимирзяновналы уно вормонъёс ваизы. Витетӥ южтолэзе Кун Думаысь депутат И. З. Бикбаев З. Т. Шарафутдиноваез Тау карон гожтэтэн пусйиз. Нош нылкышноослэн нуналзылы сӥзем праздникын, 5-тӥ южтолэзе, Татышлы ёрос администрациен кивалтӥсь Ф. Р. Шайхисламов солы «Отличник образования РБ» нагрудной знак сётӥз.

Фото: https://nigtat.02edu.ru/school/news/for-parents/424583/