-13 °С
Салкым
Вань иворъёс
Дышетон
1 январь 2021, 02:00
Школаос ӧсъёссэс усьтӥзы
Башкортостанын таяз дышетскон арын школа парта сьӧры 465 сюрс дышетскисьёс пуксизы. Соос пӧлысь 52 сюрсэз нырысетӥ классэ лыктӥзы. Татышлы ёросысь Улысь Балтач школа, кылсярысь, тодон-валан дуннеын туэ 22 пиналъёсты пумитаз. Нош солэн филиалъёсаз 11 дышетскисьёс нырысетӥ классэ вамыштӥзы.
Кыӵе воштӥськонъёс витё таяз дышетскон арын нылпиосты но анай-атайёсты? Нырысь ик, школаосы астрономия предмет берытскиз. Сое 10-11-тӥ классъёсын дышетскисьёс дышетозы. Солы арняяз одӥг час висъяськоз. Астрономияя физикаен дышетӥсьёс тодон-валан сётозы. «Соослэн но предметазы астрономиез дышето», - вераз РФ-ысь дышетонъя министр Ольга Васильева.
Огъя кун экзаменъёсы воштӥськонъёс пыртыны чакламын ӧвӧл. Нош укмысэтӥ классэз йылпумъясьёс ӟуч кылъя устной экзамен сётозы. Озьы гинэ соос ГИА пыр потыны быгатозы. Ольга Васильевалэн кылъёсызъя, со собеседование амалэн ортчоз.
«Нырысетӥ куарусёнэ асьмелэн бадӟым ужмы кутске, - вераз дышетскисьёсты но дышетӥсьёсты ӟечкыласа республикаысьтымы дышетонъя министр Г. Р. Шафикова.- Дышетскон армы бадӟымесь вормонъёсын но шумпотонэн тырмемын мед луоз».
Новости партнеров