Дышетскисьёслы конкурс яло

Россиын бадӟым классъёсын дышетскисьёс пӧлын «Образование» национальной проектъя «Большая перемена» проект быдэстӥське. Со сярысь ивортэ Россилэн Президентэзлэн администрациеныз кивалтӥсьлэн нырысетӥ воштӥсез Сергей Кириенко.

Проект вить толэзь кыстӥськоз. Конкурслэн финалэз 2020-тӥ арын толсур толэзе ортчоз. Заявкаос 22-тӥ инвожоозь кутӥськозы. Конкурс, пиналъёслэсь арессэс лыдэ басьтыса, кык категориосъя ортчоз. Нырысетӥяз 8-9-тӥ классъёс пыриськозы, кыкетӥяз – дасэтӥ классын дышетскисьёс.

Дасэтӥ классын дышетскисьёс пӧлысь 300 вормисьёслы шаерысьтымы вылӥ дышетскон юртъёсын тодон-валан басьтыны миллион манет коньдон сётӥськоз. Тямысэтӥ но укмысэтӥ классъёсын дышетскисьёслы 200 сюрс манет коньдон сётыны чакламын. Вормисе потоз 300 адями.

Туспуктэм интернетысь басьтэмын.