Татышлы ёросын устооссэ дышетӥсьёсты данъязы

Татышлы ёросын «Молодой учитель года - 2020», «Учитель года русского языка и литературы – 2020», «Учитель года башкирского языка и литературы - 2020», «Учитель года татарского языка и литературы - 2020», «Воспитатель года – 2020», «Учитель года Татышлинского района – 2020» конкурсъёслэн муниципал этапаз вормисьёсты данъязы. Конкурсъёсы 10 школаосысь 23 дышетӥсьёс но 7 нылпи садъёсысь воспитательёс пыриськизы. Отын, кылсярысь, лауреатъёс луизы удмурт дышетӥсьёс но: Улысь Балтач школаысь башкир кылъя но литературая дышетӥсь Р. Р. Баймиева, Вылысь Татышлыысь кыкетӥ номеро школаысь информатикая дышетӥсь И. Г. Бадрисламов. Тужгес усто егит дышетӥсен лыдъямын Вылысь Татышлыысь кыкетӥ номеро школаысь ӟуч кылъя но литературая дышетӥсь Ю. С. Шакирова, ӟуч кылъя но литературая дышетӥсьёс пӧлын кужмогес луиз Выль Татышлыысь Л. З. Рахимьянова.