Студентъёсты доразы витё

Форумез ортчытон юнме шорысь малпамын ӧвӧл. Туннэ школаез йылпумъям егитъёс пӧлысь тросэз республикамылэн палэназ дышетсконзэс азинтыны мылкыд каро. Бӧрысь ужаны но отчы ик интыясько. Форум пӧртэм городъёсын но кунъёсын тодон-валан басьтӥсь студентъёсты огазеялоз. Соослы республикаысьтымы бадӟым предприятиосын стажировка ортчыны луонлык, уж интыос кылдытон но юрттэт возьматон сярысь вералозы.

«Торатау» конгресс-холл та нуналэ, студентъёсты сяна, республикаысьтымы вылӥ кивалтӥсьёсты, уж сётӥсьёсты пумиталоз. Таӵе пумиськон егитъёслэсь вордскем шаеренызы данъяськон мылкыдзэс ӝутоз, усто ӧнерчиослы дор палазы бертыны сюрес усьтоз.