Ӟуч-удмурт кыллюкам

Кык томъем изданиын оглом 1952 бам. Отчы 55 сюрслэсь ятыр кыл пыртэмын. Берпуметӥез таӵе словарь 1956-тӥ арын потэмын ни вал. Кыллюкамлэн авторъёсыз – УдмФИЦ УрО РАН-лэн Историяя, кылъя но литературая удмурт институтысьтыз кылосбур эскеронъёсъя ёзэтын ужась тямыс кылчиос (Т. Р. Душенкова, А. В. Егоров, Л. М. Ившин, Л. Л. Карпова, Л. Е. Кириллова, С. А. Максимов, О. В. Титова, А. А. Шибанов).
Котькудӥз тодосчи нимаз букваос борын ужаз. Татысь шедьтыны луоз берло дас аръёсы удмурт кылэ пырем выль кылъёсты но терминъёсты. Кематэк, 27-тӥ толшоре, та книгалы Ижкарысь калыкъёслэн эшъяськон юртазы презентация ортчоз.

Нош интернет пыр 2008-тӥ арын потэм удмурт-ӟуч но выль ӟуч-удмурт кыллюкамысь кылъёсты шедьтыны луоз озьы ик та институтысь кылчиосын дасям корпусысь. Сое шедьтыны луоз таӵе адресъя: http://udmcorpus.udman.ru/dictionary