+24 °С
Салкым
Антитеррор
Вань иворъёс
Дышетон
8 Октябрь 2019, 17:30

Дышетӥсьёслэсь ужзэс пусйизы

Янаул городысь культурно-досуговой центрын Дышетӥсьёслэн нуналзылы сӥзем ужрад ортчиз. Отын али дышетӥсьёслы но дышетон удысысь ветеранъёслы трос шуныт кылъёс чузъяськизы, соослы сӥземын вал концерт номеръёс.

Дышетӥсьёслэн нуналаз Янаул ёросысь нылпиосты визьнодан удысын тыршисьёс трос дунъетъёс но данъян грамотаос басьтӥзы. Удмурт кылъя но литературая дышетӥсьёс – Сандугач, Каймашабаш, Максим школаосысь Лира Фаязовна Султанахметова, Ольга Рахимзяновна Давлетова, Ленария Хабибзяновна Магданова – удмурт кылъя но литературая республика олимпиадае призёръёсты дасямзы понна дышетонъя управленилэн 5000 манет тыр грантэзлы кузё луизы. Со сяна, пӧртэм дышетон учреждениосын ужась удмурт дышетӥсьёслэн ужзы Янаул ёрос администрацилэн, ёросысь дышетонъя управленилэн, Башкортостанысь профсоюзлэн республика кенешезлэн президиумезлэн данъян грамотаосыныз, ёрос администрациен кивалтӥсьлэсь грантэныз пусъемын. Соос пӧлын Людмила Фёдоровна Даутова, Сандугач шор ёзо школа бордысь школа азьын тодон-валан сётонъя группаысь воспитатель, Ираида Григорьевна Султанахметова, Янаулысь «Колокольчик» нылпи садысь валтӥсь воспитатель, Инга Разимовна Ардуганова, Янаулысь «Рябинка» нылпи садысь физической культурая инструктор, Анжела Викторовна Суфиярова, Янаулысь «Колокольчик» нылпи садысь воспитатель, Ирина Анатольевна Грузденко, Янаулысь пионеръёслэн но школьникъёслэн юртысьтызы ватсаса тодон-валан сётонъя дышетӥсь, Ангелина Виталиевна Мухаметзянова, Шудек школаысь математикая дышетӥсь, Диана Александровна Тимираева, Янаулысь егит техникъёслэн станциысьтызы ватсаса тодон-валан сётонъя дышетӥсь, Артём Павлович Минлибаев, Сандугач школаысь дышетӥсь, Владислав Фёдорович Мухаметшин, Шудек школаен кивалтӥсь.
Читайте нас: