Дышетонъя центр усьтэмын

«Образование» нацпроект улсын цифровой но гуманитарной профильёсъя «Точка роста» дышетонъя центрез усьтон ужрадэ пыриськизы Ермекей ёрос администрациен кивалтӥсь Ильшат Райманов, солэн социальной ужпумъёсъя воштӥсез Татьяна Головина,ёросысь дышетонъя управлениен кивалтӥсь Олег Никитин, Суккулово гурт поселенилэн администрациеныз кивалтӥсь Фаниль Галимов но мукетъёс.

Дышетонъя центр «Технология», «Математика и информатика», «Физическая культура и ОБЖ» предметъёсъя тодон-валанэз муромытыны юрттоз. Дышетскисьёслэн цифровой тодон-валанъя, шахматэн шудонъя, проектной ужъёс дасянъя луонлыкъёссы трослы йылоз. Соос дистанционно но «сетевое партнёрство» амалэн ужаны быгатозы.