Спортын утэм вормонъёсыз понна

Соослы дышетӥсьёссы юрттэт возьмато. Вылысь Татышлыын ортчем августовской кенешонын пӧртэм олимпиадаосын, спорт ӵошатсконъёсын вормонъёс басьтэм пиналъёслэсь дышетӥсьёссэс но ӟечкылазы: ёрос администрацилэн Данъян грамотаеныз но коньдон кузьымен пусйизы. Соос пӧлын луиз Вылысь Татышлыысь ДЮСШ-ысь тренер-дышетӥсь Ильгиз Шакиров. Солэн дасям командаез "КЭС-БАСКЕТ" баскетболъя

ӵошатсконлэн республика этапаз "призёр" нимлы кузё луиз. Нош "XXI Спартакиада школьников Республики Башкортостан" улсын радъяськем республика ӵошатсконысь Ильгиз Шакировен дасям команда вормонэн берытскиз.

Тодады вайытӥськом, кема ӧвӧл Ильгиз Шакировлы Башкортостанысь Спортъя но егитъёслэн ужъёссыя министерстволэн «Лучший работник физической культуры и спорта Республики Башкортостан» Данъян пус сётӥзы.