Калтасыын ас удысазы усто тыршисьёсты пусйизы

Ужрадэ Калтасы ёрос администрациен кивалтӥсь З.Т. Габдуллин, Башкортостан Республикаысь Кун Собрание-Курултайлэн депутатэз Г.И. Галимова, Башкортостан Республикаысь юстициысь ужъёсъя Кун комитетлэн кивалтӥсез В.И. Спеле, Калтасы ёросысь депутатъёслэн Кенешсылэн кивалтӥсез А.Г. Габдрахманов пыриськизы.  

Вуэм куноос, люкаськем калыкез праздникен  ӟечкылам сяна, пӧртэм удысъёсын тыршыса ужасьёсты данъян грамотаосын но тау карон гожтэтъёсын пусйизы.

Озьыен, та нуналэ А.Г. Габдрахмановлэн киысьтыз  Тау карон гожтэтэз Качкинтурайысь Н.М. Абдуллин басьтӥз. Назиф Минзаирович трос аръёс ӵоже Бадӟым Качак гурт поселение депутатэ бырйиське. Калык сое умой тодэ, солы оске.

Ёрос культура юртлэн сцена вылаз трос шулдыр кырӟанъёс чузъяськизы. Учкисьёслы Бадӟым Качакысь «Зангари», Вылысь Тыхтемысь «Ингур» калык ансамбльёс но капчи мылкыд кузьмазы.

Фото: газета "Калтасинская Заря"