Куеда ёросысь Гожан гуртын гырон-кизёнэз быдтонлы но Мичурин нимо хозяйстволэн 70 ар тырмонэзлы сӥзем шулдыръяськон ортчиз

Котькудаз таӵе ужрадын тулыс бусы ужъёслы йылпумъян лэсьто, азьмынӥсь ужасьёсты данъяло. Хозяйствоен кивалтӥсь Леонид Фазлиянович Самиев но тулыс гырон-кизёнын висъяськем механизаторъёсты пусйиз.

Со азинтӥськиз концертэн, спорт ӵошатсконъёсын. Сабантуйын концерт понна кыл кутӥз гожанъёслэн "Пинал сюлэм" ансамбльзы. Та нуналэ соос пумитазы Екатеринбургысь "Эгес" удмурт огазеяськонлэсь "Азвесь гур", Бадӟым Гондырысь "Тюрагай", Кипчакысь, Киргаысь, Янаул ёросысь Банибашысь коллективъёсты, нимаз кырӟась-эктӥсьёсты.  Ӝыт та интыын ик дискотека но шудонъёс радяськизы. Собере люкаськемъёс фейерверк учкизы.

Туспуктэм Тамара Зайнетдиновалэн вконтакте вотэс бамысьтыз басьтэмын.