Туннэ – асьсэ музъемазы улӥсь выжы калыкъёслэн калыккуспо нуналзы

1994-тӥ арысен ООН-лэн Генеральной Ассамблеяезлэн ӵектэмезъя 9-тӥ гудырикошконэ асьсэ музъемазы улӥсь выжы калыкъёслэн нуналзы пусйиське.

Туннэ нуналэ дуннеысь выжы калыкъёслэн лыдзы - 476 миллион пала адями. Соос 90 странаосын асьсэлэсь сям-йылолъёссэс но кылъёссэс утьыса уло. Россиын выжы калык пӧлы пыро вашкала дырысен асьсэ музъемазы улэм, традиционной улон сямез но ӧнеръёсты кутӥсь, 50 сюрс адямилэсь ӧжыт лыдэн, асьсэды нимаз калыкен лыдъясьёс. Сыӵеос Росси Федерациын - 47 этносъёс, кудысьтыз нимысьтыз висъяны луэ Уйпалась, Сибирьысь, Дальней Востокысь пичи лыдъем 40 выжы калыкъёсты. Соос РФ-лэн 30 субъектъёсаз уло, 65%-эз - гуртъёсын.