Инкуазь но Выль арез возьма

Шутэтскон нунал бере, кыре потоно кариськи. Коркан но Выль ар мылкыд мед луоз ни шуыса, ньылпу вай ваеме потӥз. Куазь шуныт кылле али. Тӧл но ӧвӧл, лымы но уг усьы. Гуртысенымы ферма пала мынӥсь сюрес кузя мерттэм пӧртэм писпуосын посадкае вамыштӥ. Лымы тырмыт гинэ пуктэм ни, бусыысь но тӧл татчы люказ, вылды. Татын кызъёс но кызьпуос трос. Кызъёслэн вайёссы улэ лэзькиллям. Соос но толалтэ шутэтско яке Выль арез возьмало ни меда? Писпуос вискытӥ шунды адскиз. Туж пичи со маке толалтэ. Гужем шунытсэ сётыса быдтэм, кожалод. Тылобурдо пытьыосты адӟи. Палэзь ӟускиос бушесь кылиллям ни. Сиён котькинлы кулэ. Лудкеч но тӥни ветлэм. Сиён ӧз шедьтэ ни ке, соос гуртамы улмопуосты йырйыны но вуыло. Писпуослы изъян гинэ медаз вае, жаль ӧвӧл. Гынсапегелэн тросаз лымы люкаськиз. Сюрес вылэ потыса сое сузяй но берен кошки. Ньылпу МТМ вӧзамы ик вань вылэм.