Сӥзьыл суредъёс

Губилы шуыса ик потӥм бере, нырысь губи утчам. Одӥг куткулонгуби сяна, номыр ӧз шедьы. Тодӥсьёслэн верамзыя, арня ортчыса сиёно губиос но потозы.

Кӧс куазен чакырмыса куасьмем турын сыӵе ик улэ. Вылез, вожез, тулыс гинэ потоз на, вылды. Турнатэк кылем турын трос нюлэс кушъёсын. Паймоно солы. Ми пичи дыръя ай ваньзэ "нюло" вал, толалтэ ваньмыз сиён луоз пудолы шуыса.

Писпуос каллен-каллен дӥськутсылэсь туссэ вошто ни. Коштанъяськись пипу али ӵужгес куаро, кематэк соос гордэктозы но, дыр. Льӧмпу гордалэс куаръёсыныз сылэ. Нюлэскытӥ ветлон сямен кытысь ке но ӟичы потӥз азямы. Шорамы долкаса ик учкыса сылӥз-сылӥз но, быжызлэн тӧдьы пуменыз шонтӥз но чиптэм-чаптэм ышиз.

Номыр ӧм шедьтэ шуыса эн малпалэ сикысь. Нюлэс - со бай, огез ке ӧвӧл, мукетыз маке одно ик сюроз. Легезь бичам кӧня ке, тырмыт гинэ шу ваим. Губилы нош вуом на, куазен гинэ мед удалтоз.