Фельдшеръёслэн семинарзы ортчиз

Эмъюрттэт возьматон удысын ужасьёслэн пумиськонзы ог-огенызы тодон-валанъёсынызы люкиськонэн герӟаськемын вал. Со сяна, семинаре вуэмъёс ёросысь валтӥсь фельдшерлы Л.Н. Валтиевалы аспӧртэм экзамен сётӥзы. Озьы соос ас удысазы асьсэлэсь мур тодонъёссэс но усто быгатонлыкъёссэс возьматӥзы.

Семинарез яркыт тодэ ваёнъёсын тырмытон вылысь Бадӟым Качак гуртысь культура юртын ужасьёс фельдшеръёслы «Семейный очаг» шудон программа дасязы. Угось туэ ар Башкортостанын Бадӟым но эшлыко семьялэн ареныз ялэмын. Пӧртэм тунсыко конкурсъёс пыр семинаре люкаськемъёс огинэ кариськыса секыт югдуръёсысь потыны быгатэмзэс возьматӥзы.