Республикаын эмъюрттэт сётӥсьёслэн лыдзы будоз

Регионысь эмъюртъёсты кулэ луись ӧнерчиосын тырмытон вылысь Нефтекамскын, Учалыын, Октябрьскийын но Мясогутовоын медколледжъёслэн филиалъёссы усьтӥськизы. Озьыен та ӧре туэ 1750 студентъёсты кутозы.

Башкириысь премьер-министрлэн Андрей Назаровлэн кылъёсызъя, туннэ нуналэ шаерамы эмъюрттэт возьматон удысын 70 сюрслы матэ ӧнерчиос тыршо. Со сяна, регионын «Медицинские кадры» проект радъяське. Нош «Земский доктор/фельдшер» программа улсын 197 ӧнерчиос коньдон юрттэт басьтыны быгатӥзы, азьпалан 129-лы юрттэт возьматозы. Шумпотымон, пичи гуртъёсын ужасьёс «Врачи для малых медицинских организаций» программаен куинь ар ӵоже одӥг миллион тыр коньдон басьтыны быгато. Та выллем юрттэтэн 100-лы матэ ӧнерчиос пайдаяськизы ини.

- 2030-тӥ арозь регионын эмчиослэн лыдзы тырмыт луыны кулэ. Республикаысь Тазалыкез утёнъя министерстволы но ёросъёсын кивалтӥсьёслы эмчилы дышетскемъёслы ужан интыос шедьтыны косӥ, - аслаз соцсетъёсаз гожтӥз Башкортостанлэн тӧроез Р. Хабиров.

Фото: ИА «Башинформ»