+28 °С
Салкым
Тазалык
4 южтолэзь 2025, 13:32
Бадӟым Качакысь нылкышноос нырысетӥ интыын
Туннэ, ньылетӥ южтолэзе, Калтасыын «Наши женщины – наша гордость» спорт ужрад ортчиз. Со Нылкышноослэн нуналзылы сӥземын вал.
Бадӟым Качакысь нылкышноос нырысетӥ интыын
Калтасы ёросысь Ветеранъёслэн кенешсылэн кичӧлтэмезъя радъяськем ужрадэ нылкышноослэн тямыс командаоссы люкаськизы. Соос дас эскеронъёсын асьсэлэсь кужымзэс, ӝоглыксэс, сэзьлыксэс но малпаськыны быгатэмзэс усто возьматӥзы. Шумпотымон, спорт ужрадэ удмурт нылкышноос но пыриськизы. Бадӟым Качакысь но Бадӟым Туганеевоысь командаос шудонын учкымон луизы. Спорт ужрадлэн йылпумъянъёсызъя, туганеевоос нырысетӥ интые потӥзы, нош качакъёс кыкетӥ интыен кузёяськизы.
